ജില്ലയെ കുറിച്ച്
കേരളത്തിലെ ഒരു നഗരമാണ് കോട്ടയം. മധ്യകേരളത്തിൽ സ്ഥിതി ചെയ്യുന്ന ഈ നഗരം കോട്ടയം ജില്ലയുടെ ഭരണസിരാകേന്ദ്രം കൂടിയാണ്. കിഴക്ക് ഗാംഭീര്യമാർന്ന പശ്ചിമഘട്ടത്താലും പടിഞ്ഞാറ് വേമ്പനാട് കായലിനാലും കുട്ടനാടൻ നെൽവയലുകളാലും ചുറ്റപ്പെട്ടുകിടക്കുന്ന കോട്ടയം, സവിശേഷമായ സവിശേഷതകളുള്ള ഒരു പ്രദേശമാണ്.
മനോഹരമായ കായൽപരപ്പുകൾ, സമൃദ്ധമായ നെൽവയലുകൾ, മലനിരകളും കുന്നുകളും, വിശാലമായ റബ്ബർ തോട്ടങ്ങൾ, ഐതിഹ്യങ്ങളുമായി ബന്ധപ്പെട്ട സ്ഥലങ്ങൾ, സമ്പൂർണ്ണ സാക്ഷരതയുള്ള ജനത എന്നിവ കോട്ടയം ജില്ലയ്ക്ക് ‘അക്ഷരങ്ങളുടെയും ഐതിഹ്യങ്ങളുടെയും ലാറ്റക്സിന്റെയും കായലുകളുടെയും നാട്എ ന്ന അഭിമാനകരമായ വിശേഷണം നേടിക്കൊടുത്തു.
അച്ചടി മാധ്യമരംഗത്തും സാഹിത്യരംഗത്തുമുള്ള മികച്ച സംഭാവനകൾ കണക്കിലെടുത്ത് കോട്ടയത്തെ ‘അക്ഷരനഗരി’ എന്നും വിളിക്കാറുണ്ട്.
